Isa sa pinakamatunog na palakpak sa kauna-unahang State of the Nation Address (SONA) ay narinig nang sabihin ni Pangulong Rodrigo Duterte na babawasan nito ang personal at corporate tax.

Ito’y upang masiguro na may matitira pa sa sinasahod ng mga manggagawa.

Maisasakatuparan umano ito sa pamamagitan ng paghikayat ng mas maraming investors na magbubukas sa mga klase ng trabaho na swak sa mga mahihirap o mga hindi skilled workers.

Upang mapalakas umano ang pagkolekta ng tax ay iniutos ni Pa­ngulong Duterte ang pag-relax sa Bank Secrecy Law na magbibigay-daan umano para magkaroon ng transparency sa taxation at mapapalakas ang koleksyon ng BIR.

Sa puntong ito ay namatay ang palakpakan sa bulwagan ng Kamara.